Kurs for kommunar om landbruk og klima
Universitetet for miljø- og biovitenskap (UMB) tilbyr kommunane i Møre og Romsdal eit skreddarsydd kurs om landbruk og klima. Målet for kurset er at deltakarane skal verte betre i stand til å setje i verk konkrete og kostnadseffektive tiltak for klimaarbeidet i eigen kommune.
Mange kommunar har utarbeidd ein eigen klimaplan, men få av kommunane har kome langt i å fylle klimaplanen med konkrete tiltak. Også landbrukssektoren vil få krav om reduserte utslepp av klimagassar. På bakgrunn av dette er det behov for ny og oppdatert kompetanse både når det gjeld korleis landbruket kan redusere klimautsleppa og korleis landbruket bør tilpassast eit endra klima.
Kurset består av tre samlingar i Molde våren og hausten 2010 og innlevering av ei prosjektoppgåve. Kurset er utvikla av sentrale fagfolk ved UMB og i Klima- og forureiningsdirektoratet.
Gå inn på heimesida til Fylkesmannen i Møre og Romsdal.
Første samling: 1. og 2. juni 2010.
